Cholg'u Ijrochiligi va ansambli

Аннотация

Manbalarda qayd qilinishicha, milliy musiqa cholg’u asboblarining tarixi juda olis zamonlarga borib taqaladi. Ya`ni eramizdan avvalgi XIII ming yillardayoq, dastlab urma zarbli cholg’ular, so`ngra shovqinli sozlar paydo bo`la boshlagan. Nega aynan urma zarbli sozlar ilk bor kashf etilishini buyuk olimlar eng qadimgi mehnat qo`shiqlari ishning ritmik tuzilishi bilan bevosita bog’liqlikda yuzaga kelgan, deya izohlaydilar1. Keyinroq xalq ustalari tomonidan qamish yoki bambuk poyasidan surnay, nay, hushtak, shaqildoq va chiltor (arfa) singari cholg’ular yasagan. Ma`lum muddatdan so`ng torli mizrobli va torli kamonli musiqa cholg’ulari yaratilgan. Ko`p asrlik madaniy taraqqiyot jarayonida o`ziga xos tuzilish va jarangdorlikka ega bo`lgan dutor, tanbur, rubob, g’ijjak, chang singari an`anaviy sozlar ijod qilingan.