Zamonaviy Doston Xrestomatsiyasi

Аннотация

O`zbek adabiyoti tarixi, badiiy-estetik tafakkur taraqqiyotida yuz yildan ortiq vaqt davomida yangi tipdagi poema (doston) mustahkam o’rin tutib kelmoqda. Shu orada mingga yaqin turli xil g’oyaviy-badiiy saviyadagi asarlar e’lon qilindi. Agar, rus va qardosh xalqlar, chet el shoirlarining o’zbek tiliga o’girilgan poemalarini ham qo’shib hisoblaydigan bo’lsak, ushbu ko’rsatkich, balki mingdan oshib ketadi. Ularning orasida xalqimiz hayotining taraqqiyot bosqichlarini ma’lum darajada aks ettirishga erishgan go’zal polotnolar ham, matbuotda e’lon qilingach, o’qib yoki o’qishga ulgurmayoq unutilib ketgan poemalar ham ko’p bo’ladi.