Экологиялық жағдайдыӊ ҳәмледарлыққа тәсири

Аннотация

Китапшада, Қарақалпақстан территориясында экологиялық апатшылық жүз берген ҳәзирги аўыр шараятта Арал әтирапындағы халықлардыӊ басына түскен мүшкил жағдай ашықтан-ашық анализленип, өкинишли ашшы ҳақыйқатлықты сизиӊ алдыӊызға жайып салады. Сиз, автор менен қосыла қыйналасыз ҳәм жақсы үмитлер жетегине ерип барасыз.Автор өз мийнетинде ҳәмледар аналардыӊ ҳәм олар дуньяға инам еткен нәрселердиӊ ден саўлығы, келешек тәғдири туўралы тебирене толғанып сөз етсе, китапшаныӊ инсаный идеялар менен суўғарылған эмоционал тәсиршеӊлиги оныӊ оқыўшыларынада өтип, олардыӊ ақыл-санасын жаўлап алады. Автор, соӊғы мағлыўматларға негизленген турмислық фактлер ҳәм исенимли илимий дәлиллер арқалы, усылар жөнинде утымлы сөз етеди.