Оммавий ахборотнинг тили ва услуби

Аннотация

Ушбу ўқув қўлланма журналистика таълими давлат андозаси асосида яратилди. Унда оммавий мулокот (коммуникация) тили ва услуби авзуси доирасига кирувчи муаммолар ижтимоий-лисоний (соцолингвистик ва психолингвистик) нуқтаи назардан талқин этилади. Хусусан, нутқий фаолият турлари, оммавий мулоқот ва оммавий мулокот воситаларининг умумий мазмуний-услубий тавсифи, коммуникатор-ахборот-адресат муносабатларининг нутқ услубига таъсири ҳамда оммавий мулоқотни шахслантириш (персонификация) усуллари каби масалалар баён қилинган. Қўлланмада оммавий мулоқот услубининг, унинг ички кўринишларининг ўзига хос жиҳатлари ёритилган. Матбуот, телемулоқот ва радиомулоқотнинг лисоний-услубий муаммолари, экстралингвистик омиллари баён қилинган. Матн услубиятига оид маълумотлар берилган.