Санъатга оид билимлар воситасида ўқувчиларда миллий ва умуммаданий таянч компетенцияларини шакллантириш (PhD) (диссертацияси автореферати)

Аннотация

Жаҳонда таълим олувчиларни санъатнинг тарбиявий кучи воситасида ҳаётий кўникмаларни ўзлаштиришга ундаш, ватанга садоқат, инсонларга меҳр оқибат туйғуларини таркиб топтириш, умуминсоний ва миллий қадриятларни фарқлай олишга ўргатиш учун қулай шарт-шароитлар вужудга келтиришга доир илмий тадқиқотлар олиб борилмоқда. Бунда ўқувчиларнинг санъатга оид билимлар ва ахборотларни қайта ишлай ва баҳолай олишлари, бадиий ва санъат асарларини тушуна олишларига йўналтирилган педагогик жараёнларни ташкил этишга алоҳида эътибор берилиб, таълим олувчиларнинг гендер хусусиятларини ҳисобга олган холда мақсадга йўналтирилган миллий ва умуммаданий таянч компетенцияларни шакллантириш, санъатга оид билимлар воситасида ўқувчиларда миллий ва умуммаданий таянч компетенцияларни шакллантиришга йуналтирилган педагогик жараённинг самарали шакллари, воситалари, усул ва методларини жорий этиш, умумтаълим мактаблари ўқитувчиларининг инновацион фаолияти кўлами даражасини кенгайтириш, уларнинг санъатга оид билимларини ривожлантириш бўйича илмий тадқиқотларга алоҳида эътибор берилмоқда.