Huquqiy informatika

Аннотация

Mamlakatimizda huquqiy demokratik davlat, erkin fuqarolik jamiyati asoslari barpo etilmoqda hamda uning negizida yangi zamonaviy g'oyalar, yangicha yondashuvlar shakllanmoqda. Qo'lingizdagi darslikda muallif davr jarayonlarini hisobga olgan holda huquqiy informatikaning yuridik faoliyat sohasidagi axborot jarayonlarining qonuniyatlari va xususiyatlari, ularni avtomatlashtirish, yuridik faoliyatni takomillashtirish va uning samaradorligini oshirish, avtomatlashtirilgan axborot tizimlarining tuzilishi va ulardan foydalanish usullari kabi masalalarni atroflicha yoritishga, huquqiy axborotlar milliy tizimini tashkil etish vazifalari, huquq va davlat tizimlari hamda siyosiy tizimni axborotlashtirish sohasidagi davlat siyosati, yagona axborot maydoni tushunchasi, umumiy va huquqiy axborot tushunchasini o'rganish metodologiyasi va usullari, huquq ijodkorligi va huquqni qo'llash sohasi, kriminalistika va sud ekspertizasi, sotsiologik tadqiqotlar va boshqa sohalarda foydalanish yo'llari va vazifalarini teranroq ochishga harakat qilgan. Ushbu darslik huquqiy informatika va kibernetika muammolari bilan shug‘ullanuvchi mutaxassislarga, yuridik oliy o'quv yurtlari o'qituvchi va aspirantlari, magistratura tinglovchilari va talabalariga mo'ljallangan.