ИЧКИ ИШЛАР ОРГАНЛАРИ ТОМОНИДАН ИЖТИМОИЙ ПРОФИЛАКТИКА ФАОЛИЯТИНИ ТАШКИЛ ЭТИШНИНГ ИЛҒОР ХОРИЖ ТАЖРИБАСИ

Аннотация

Ушбу мақолада ички ишлар органлари томонидан амалга ошириладиган ижтимоий профилактика фаолиятининг мазмуни, мақсад ва вазифалари таҳлил этилган. Ижтимоий профилактиканинг жиноятчиликнинг олдини олишдаги ўрни, аҳамияти ҳамда жамоат хавфсизлигини таъминлашдаги таъсири илмий асосда ёритилган. Мақолада профилактика тадбирларининг самарадорлигини ошириш, ҳуқуқбузарликлар манбаларини аниқлаш ва бартараф этишда янги ёндашувлар имкониятлари муҳокама қилинган. Муаллиф томонидан профилактика фаолиятини такомиллаштириш борасида қонунчилик базасини мустаҳкамлаш, соҳадаги кадрлар салоҳиятини ошириш ва жамоатчилик билан ҳамкорликни кенгайтиришга оид таклиф ва тавсиялар ишлаб чиқилган. Таянч тушунчалар: Ижтимоий профилактика, ҳуқуқбузарликларни олдини олиш, жиноятчиликка қарши кураш, жамоат хавфсизлиги, ҳамкорлик, профилактика тадбирлари, хавф омиллари, қонун устуворлиги, тарғибот ва тушунтириш ишлари, криминоген вазият, ислоҳотлар, ҳуқуқий маданият Аннотация. В данной статье проанализированы содержание, цели и задачи деятельности по социальной профилактике, осуществляемой органами внутренних дел. Раскрыта научно обоснованная роль и значение социальной профилактики в предупреждении преступности и обеспечении общественной безопасности. В статье обсуждаются возможности внедрения новых подходов для повышения эффективности профилактических мероприятий, выявления и устранения источников правонарушений. Автором выработаны предложения и рекомендации по совершенствованию профилактической деятельности, укреплению нормативно-правовой базы, повышению кадрового потенциала в данной сфере и расширению сотрудничества с общественностью. 178 ACADEMIC RESEARCH IN MODERN SCIENCE International scientific-online conference Ключевые слова: Социальная профилактика предупреждение правонарушений, борьба с преступностью, общественная безопасность, сотрудничество, профилактические мероприятия, факторы риска, верховенство закона, агитационно-разъяснительная работа, криминогенная обстановка, реформы, правовая культура Дунё ҳамжамияти жиноятчиликка қарши курашнинг ўзига хос бўлган самарали сиёсатини татбиқ этиш ҳақида қайғурмоқда. Бу борада шахс, унинг ҳуқуқ ва эркинликларини, жамият ва давлат манфаатларини, мулкни, табиий муҳитни, тинчлик ҳамда инсоният хавфсизлигини жиноий тажовузлардан ҳимоялаш1, шунингдек ҳуқуқбузарликлар профилактикасининг замонавий ва самарали тизимини йўлга қўйиш муаммолари тобора глобал ва долзарб аҳамият касб этиб бормоқда2. Зеро, криминологик тадқиқотлардан маълум бўлишича, олдини олиш чораларини яхшилаш билан ҳар ўнта жиноятнинг еттитасини олдини олишга эришиш мумкин3. Шу маънода рус олими Ю.М. Антоняннинг «жиноятчиликни бутунлай йўқ қилиб бўлмайди, у фақат жамият билан бирга барҳам топиши мумкин»4, ўзбек олимлари Х.Т. Одилқориев ва И.Т. Тультеевларнинг «жиноятчиликка қарши курашни амалга оширишда уни таг-томири билан бутунлай тугатиш мақсади ҳаққоний эмас, жиноятчиликнинг ҳолати ва унга қарши кураш шарт-шароитларидан кўриниб турибдики, у баъзан самарали, баъзан эса самарасиздир. Чамаси жиноятчиликни бутунлай йўқ қилиш ниҳоятда мураккаб ва тўла амалга ошмайдиган орзу бўлса керак»5, деган қарашлари тўла асослидир. Юқорида келтирилган қарашларга таянган ҳолда айтиш мумкинки, ҳуқуқбузарликларнинг содир этилиш кўрсаткичларини минималлаштириш, ваколатли органларнинг бу борадаги фаолият самара- дорлигини янада ошириш муаммолари кўп жиҳатдан таҳлил этилаётган соҳанинг ҳуқуқий ва ташкилий-методик таъминланганлик даражасига 1 Камалова Д.Г. Жиноятга тайёргарлик кўришнинг хусусиятлари ва унинг учун жавобгарликни такомиллаштириш: Юридик фанлар бўйича фалсафа доктори (PhD) диссертацияси автореферати. – Т., 2018. – Б. 5. 2 Салаев Н.С. Пенитенциар тизимнинг профилактик функцияси самарадорлигини ошириш: Юридик фанлар доктори (DSc) диссертацияси автореферати. – Т., 2017. – Б. 5. 3 Кузнецова Н.Ф. Проблемы криминологической детерминации. – М., 1984. – С.145. 4 Теоретические основы предупреждения преступности. – М., 1977. – С. 30–31. 5 Одилқориев Х.Т., Тультеев И.Т. Жиноий-ҳуқуқий сиёсатни либераллаштириш: зарурат ва омиллар // Ҳуқуқ–Право–Law. – 2002. – № 1. – Б. 8. 179 ACADEMIC RESEARCH IN MODERN SCIENCE International scientific-online conference бевосита боғлиқ. Бизнингча мазкур икки йўналишда вужудга келаётган муаммо ва камчиликларни ҳал этиш фаолият самарадорлигини оширишга жиддий таъсир этади. Ҳуқуқбузарликлар профилактикаси фаолиятини ҳуқуқий таъминлаш муаммолари бугунги куннинг энг муҳим масалаларидан бирига айланган. Зеро, ушбу соҳани самарали бошқариш уни тартибга солувчи ҳуқуқий асосларни мунтазам таҳлил ҳамда мониторинг қилиш, уларнинг ижтимоий ҳаётга қай даражада мослиги ва амал қилишини кузатиб боришни талаб этади6. Амалиёт натижалари таҳлили шуни кўрсатмоқдаки, бугунги кунда ҳуқуқбузарликлар профилактикаси фаолиятини тартибга солувчи қонун ҳужжатлари талабларининг бажарилиш ҳолати ҳавас қиларли даражада эмас. Жумладан, Ўзбекистон Республикаси ИИВнинг 2017 йил 6 сентябрдаги 193-сон буйруғи билан тасдиқланган «Ички ишлар органлар