FUQAROLIK ISHLARI BO‘YICHA NIZOLARNI MEDIATSIYA YO‘LI BILAN HAL ETISH AMALIYOTI

Аннотация

Mazkur maqolada fuqarolik ishlari bo‘yicha nizolarni mediatsiya yo‘li bilan hal etishning nazariy va amaliy jihatlari yoritilgan. Unda mediatsiya institutining mazmuni, huquqiy asoslari, afzalliklari, shuningdek, uning O‘zbekistonda va xalqaro tajriba, xususan, Singapur misolida qo‘llanilishi tahlil qilinadi. Mediatsiyaning zamonaviy huquqiy tizimdagi o‘rni, sud-yuridik islohotlar jarayonidagi ahamiyati va ijtimoiy barqarorlikka qo‘shayotgan hissasi ilmiy asoslangan holda ko‘rib chiqilgan. Maqolada, shuningdek, mediatsiyaning dolzarb muammolari, ularni bartaraf etish yo‘llari va sud tizimiga bosimni kamaytirishdagi roli haqida tavsiyalar ilgari surilgan. Taqqoslamali tahlillar orqali O‘zbekiston va Singapurdagi huquqiy tajribalarning o‘xshash va farqli jihatlari ochib berilgan. Kalit so‘zlar: Mediatsiya, nizolarni hal etish, fuqarolik ishlari, suddan tashqari vosita, muqobil yurituv, O‘zbekiston qonunchiligi, Singapur tajribasi, huquqiy asos, mediator, sud islohoti.