YAPON TILIDA KELISHIK KATEGORIYASI KO‘RSATKICHLARI, KO‘MAKCHI MORFEMALAR VA YORDAMCHI SO‘ZLARNING MATN VA MULOQOTDAGI O‘ZARO FARQLI JIHATLARI

Аннотация

Ushbu maqolada yapon tilidagi kelishik kategoriyasi ko‘rsatkichlari (格助詞), ko‘makchi morfemalar (接尾辞) va yordamchi so‘zlar (助動詞・補助語)ning matn va muloqotdagi funksional o‘rni hamda ularning grammatik, semantik va pragmatik farqlari tahlil qilinadi. Har bir grammatik birlikning sintaktik tuzilmadagi roli, so‘zlovchi nuqtai nazarini ifodalashdagi vositalari hamda muloqot kontekstida axborotning ifodalanish shakllari izohlanadi. Mazkur tadqiqot yapon tilining grammatik tizimini chuqurroq anglash, matn va muloqotda so‘zlarning kontekstual yukini aniqlashga qaratilgan bo‘lib, tilshunoslikning nazariy va amaliy jihatlarini qamrab oladi. Ayniqsa, yapon tili o‘qitish, tarjima qilish va lingvopragmatik tahlillarda ushbu birliklarning farqlanishini anglash dolzarb hisoblanadi.