Ўзбекистон география жамияти ахбороти, махсус сон.

Аннотация

Ўзбекистон География жамияти ахбороти» илмий журналининг ушбу махсус жилди Erasmus+ дастурининг «DSinGIS Геоинформатика соҳасида докторантура» лойиҳаси доирасида «Геоинформатика соҳасида илмий тадқиқот ишлари: ҳозирги ҳолати ва истиқболлари» мавзусидаги халқаро илмий-амалий конференциянинг танланган илмий ишларига бағишланган. Унда «Геодезик ишларни олиб боришда геоинформатика», «Мавзули картография, web-картография, картографик хизматлар ва иловалар», «Табиий ресурсларни бошқаришда кадастр хизматлари», «Атроф-муҳитни муҳофаза қилиш, ер ва сув ресурсларидан оқилона фойдаланиш ҳамда бошқаришда геоинформатика», «Архитектура ва қурилишда геоахборот технологияларини қўллаш», «Геофазовий таҳлил ва моделлаштириш», «Ерни масофадан зондлаш маълумотларини қайта ишлаш ва таҳлил қилиш», «Таълим тизимида геоахборот технологиялари», «Ер ҳақидаги фанларда геоахборот технологияларининг роли» секциялари бўйича мақолалар жой олган.