Саҳна техникаси ва технологияси

Аннотация

Театрларда саҳна асарларини саҳналаштиришда ҳам ижрочилар ва ҳам томошабинлар учун қулай бўлган шароитларни яратиш талаб этилади. Энг аввало томошабинлар ўтирадиган залнинг ҳар қандай жойидан саҳнада рўй бераётган воқеаларни ҳеч қандай қийинчиликсиз томоша қилиш имконияти яратилиши лозим. Бошқа томондан актёрларнинг саҳнада бемалол ҳаракат қилишлари унинг тузилишига боғлиқ.. Саҳна эса ниҳоятда мураккаб организм ҳисобланади, унда ёритиш асбоблари, кўтариш-тушириш ускуналари, саҳнанинг ҳаракатланадиган қисми кабилар ўта аниқликдаги ҳисоб-китоб асосида жойлаштирилиши зарур бўлади. Булардан ташқари актёрлар либоси, безакларни тайёрлаш, улар учун зарур бўлган ашёлар кабилар ҳам спектакл муваффақиятини таъминловчи омиллардандир. Ушбу ўқув қўлланмада юқоридаги жиҳатлар билан боғлиқ саҳна техникаси ва технологиясининг асосий ҳусусиятлари ҳақида гап юритилади.