Тўртинчи ҳокимият: Ўзбекистон Республикасининг қонунлари, қарорлари ва бошқа ҳужжатлари тўплами

Аннотация

Дунёдаги деярли барча мамлакатларда оммавий ахборот воситалари жамият ижтимоий-сиёсий ҳаётида етакчи ўрин тутади. Газета ва жўрналлар, радио ва телевидение ҳар бир давлатда омма билан ҳокимият ўртасида ўзига хос алоқа воситаси, ошкоралик кўзгуси, ҳакиқат жарчиси бўлиб хизмат қилади. Юртбошимиз жамиятимизнинг бугунги ҳаёти, унинг барча қувончли, шу билан бирга машаққатли, оғир томонлари матбуот ва оммавий ахборот воситаларида ўзининг қанчалик холисона аксини топса, жамиятимизда шунчалик адолат ва тўғрисўзлик муҳити ҳукмрон бўлади, деб жуда оқилона таъкидлаганлар.