Тиббий таълимда китобхонликни соха билан боғлаб ўрганишнинг самарадорлиги

Аннотация

Ушбу монографияда бўлажак тиббиётчилар учун бадиий адабиёт нечоғли муҳим эканлиги ҳақида фикр юритилади. Муаллиф нофилологик йўналишдаги ОТМпарда соҳа бўйича бадиий адабиётларни ўрганувчи танлов фанларнинг киритилиши, соҳа бадиий адабиётларининг танлов фанлардан ташқари ижодий ва илмий тўгаракларда ўрганилиши ҳамда бадиий адабиёт матнлари билан ишлаш самарадорлиги ҳақида кенг тўхталган. Мазкур курс 36 соатдан иборат бўлиб, 2-босқич талабалари учун ташкил қилинди. Мазкур танлов фани дастури қуйидагича: биринчи мавзу халқ оғзаки ижодига бағишланган бўлиб, унда халқимизнинг асл дурдоналари бўлган фольклор жанрларида тиббиётнинг тақдим этилганини кўрамиз. Бешик қўшиқлари ва айтим олқишларда фарзанднинг соғлом ва бақувват бўлиш орзуси янграса, тиббиёт билан боғлиқ кўплаб мақолларда бу соҳада халқ донишмандликларининг оғиздан оғизга ўтиб келаётган намуналарини кўриш мумкин.