Металл ва минералларнинг шифобахш хусусиятлари

Аннотация

Ушбу монографияда инсонни даволашда маъдан моддалар, металларнинг ўзига хос шифобахш хусусиятлари, уларнинг Шарқ табобатида қўлланилиши, қомусий олимларимиз Абу Райҳон Берунийнинг доришуносликка бағишлаб ёзган машҳур “Китаб-ас-сайдана фит-тибб”, (“Фармакогнозия”) асари маъданлар билан даволашнинг муҳим манбаси эканлиги ёритиб берилган. Абу Али ибн Синонинг “Тиб қонунлари” асарида содда ва мураккаб дориларни тайёрлашда шифобахш металлар, минераллар қўлланилиши ҳақидаги илмий маълумотлар келтирилган. Шунингдек, металлар ва минералларнинг замонавий тиббиётда тутган ўрни илмий асосда очиб берилган. Монография металлургия, минералогия, тиббиёт, кимё, геология ва тарих соҳаси мутахассислари ҳамда кенг китобхонлар оммасига мўлжалланган.