VOYAGA YETMAGANLARNI MUSTAQIL HAYOTGA TAYYORLASH VA SOG‘LOM TURMUSH TARZINI SHAKLLANTIRISH

Аннотация

Mustahkam oilalarni shakllantirishning eng muhim shartlaridan biri bu voyaga yetmagan yoshlarni, xususan, qizlarni oila qurish, mustaqil oilaviy hayotni tashkil etish, oilada sog‘lom ruhiy muhitni qaror toptirish, farzandlar tarbiyasini samarali tashkil etish jarayoniga muvaffaqiyatli tayyorlashdir. Mazkur jarayonning moxiyati quyidagilarda namoyon bo‘ladi: birinchidan, yoshlarda nikoh hamda oilaviy hayot, shuningdek, ikki jins o‘rtasidagi munosabatlar moxiyati borasida to‘g‘ri tushunchalar hosil bo‘ladi; ikkinchidan, ularni nikox hamda oilaviy hayotni tashkil etish jarayoniga ruxiy jihatdan tayyorlaydi; uchinchidan, yoshlarda nikohga kirishish hamda oilaviy hayotni tashkil etish (oila a’zolari o‘rtasida ijtimoiy munosabatlarni tashkil etish, oila a’zolari (qaynota, qaynona, qaynsingil va qaynog‘alar) bilan muloqotni yo‘lga qo‘yish, oila xo‘jaligini boshqarish, pazandalik hamda bichish - tikish ishlarini yuritish, farzandlar tarbiyasini olib borish va xokazo jarayonlarni tashkil etish borasida amaliy ko‘nikma hamda malakalarni shakllantiradi.