Электр машиналари ва электр юритма

Аннотация

Қишлоқ хўжалиги ишлаб чиқаришини электрлаш ва автоматлаш йўналишидаги коллеж ўқувчиларига мўлжаллаб қайта ишланган ушбу китобда: ўзгармас ва ўзгарувчан ток генератори ва моторларининг тузилиши, ишлаш принципи, тавсифлари, уларни ишга тушириш, тормозлаш, айланиш тезликларини ростлаш усуллари, трансформаторларнинг тузилиши, ишлаш принципи, вазифалари, махсус трансформаторлар ҳамда электр юритма турлари, қўлланиши, улар қувватини ҳисоблаш усуллари, электр юритмани автоматик бошқариш аппаратлари ва схемалари ҳақида маълумотлар берилган. Дарслик муаллифнинг Тошкент ирригация ва қишлоқ хўжалигини механизациялаш инженерлари институти “Назарий электротехника” кафедрасида узоқ йиллар давомида фаолият кўрсатиб яратган китобларидан биридир. Ундан олий ўқув юртларининг ушбу йўналишдаги бакалаврлари ва соҳа мутахассислари ҳам фойдаланишлари мумкин.