O’QUVCHILARNI VATANPARVARLIK RUHIDA TARBIYALASHNING PEDAGOGIK ASOSLARI

Аннотация

Anotatsiya Mazkur maqolada o‘quvchilarni vatanparvarlik ruhida tarbiyalashning pedagogik asoslari har tomonlama yoritilgan. Vatanparvarlik tarbiyasi — bu yosh avlod qalbida ona-Vatanga muhabbat, uning taqdiri uchun mas’uliyat hissini shakllantirish, milliy qadriyatlar, tarix, til, madaniyatga hurmatni oshirish orqali amalga oshiriladi. Ushbu maqolada aynan ushbu maqsadlarga erishishda ta’lim muassasalarining, ayniqsa o‘qituvchining roli, dars jarayonida va darsdan tashqari mashg‘ulotlarda qanday metodik yondashuvlar samara berishi xususida fikr yuritiladi. Shuningdek, maqolada vatanparvarlik tarbiyasining zamonaviy pedagogik tamoyillari, unga oid nazariy qarashlar, tarbiyaviy faoliyatdagi an’anaviy va innovatsion yondashuvlar tahlil qilinadi. Milliy va umuminsoniy qadriyatlar uyg‘unligi, yoshlar ongida fuqarolik pozitsiyasini shakllantirish va ijtimoiy faollikni oshirishda maktab ta’limining o‘rni alohida ko‘rsatib berilgan. O‘quvchilarda vatanparvarlik fazilatlarini rivojlantirishga xizmat qiluvchi o‘yinlar, loyihalar, tadbirlar va boshqa pedagogik vositalar misollar asosida tahlil qilinadi. Xulosa qismida esa muallif vatanparvarlik ruhini yuksaltirishda o‘qituvchilarning kasbiy kompetensiyasini oshirish, ota-onalar bilan hamkorlikda ishlash hamda ijtimoiy institutlar bilan uzviy hamkorlikni kuchaytirish zarurligini ta’kidlaydi.