Tibbiyot virusologiyasi

Аннотация

Viruslar - juda mayda hujayrasiz biologik obyekt hisoblanib, ular tirik hujayralaming (o‘simliklar, bakteriyalar, hasharotlar, hayvonlar) genetik apparatida doimiy parazitlik qilishi bilan boshqa organizmlardan farqlanadi. Vimslar genomida faqatgina bir turdagi nuklein kislota bor. Hayotning barcha shakllari, ya’ni o‘simliklardan to odam organizmigacha viruslar bilan zararlanishi mumkin. Ulaming xo'jayin hujayrasi genetik apparatiga yangi ma’lumotlami olib o‘tish qobiliyatiga egaligi barcha tirik organizmlar biologik evolyusiyasi va o‘zgaruvchanligida muhim omil hisoblanadi. Bundan tashqari, olimlar o‘sma kasalliklari, ateroskleroz, diabet, ruhiy va asab kasalliklari hamda boshqa yuqumli patologiyalarning kelib chiqishini ham viruslar bilan bog‘lashmoqda. Mikrobiologiya asosida hosil boMgan virusologiya fani hozirgi vaqtga kelib, mikrobiologiya sohasidan ajralib chiqdi va mustaqil fundamental ilmiy yo‘nalishga aylandi. Virusologiya fani yuqumli kasalliklar bo‘yicha ishlayotgan shifokorlarning nazariy tayyorgarligi va amaliy faoliyatida katta ahamiyatga ega. Virusologik tekshirish usullarining takomillashib borishi, molekulyar biologiya, genetika, bioximiya, fizika va matematika fanlari yutuqlaridan keng foydalanish hisobiga virusologiya tez rivojlanib bormoqda. Bu fanning keng ko`lamda o‘qitilishi natijasida virusologiya ko‘plab yutuqlarga erishmoqda. Viruslar hayotning elementar birligi bo`lib, molekulyar biologlar va genetiklar uchun ideal obyekt hisoblanadi.