TIBBIYOT OLIYGOHLARIDA TABIIY FANLARNI INTERFAOL USULLARDA OʻQITISHNING MUAMMOLARI VA YECHIMLARI

Аннотация

Mazkur maqolada tibbiyot oliygohlarida tabiiy fanlarni, jumladan, biologiya, kimyo va fizika fanlarini interfaol usullar asosida o‘qitish jarayonidagi mavjud muammolar va ularning yechimlari yoritilgan. Interfaol ta'lim texnologiyalarining zamonaviy dars jarayoniga integratsiyalashuvi o‘quvchilarda tanqidiy va ijodiy fikrlashni shakllantirish, kasbiy ko‘nikmalarni mustahkamlashga xizmat qilishi tahlil qilinadi. Tahlil natijalariga ko‘ra, interfaol metodlarning to‘liq joriy etilishiga to‘sqinlik qilayotgan omillar — moddiy-texnik bazaning yetarli emasligi, o‘qituvchilarning metodik tayyorgarligi pastligi va an’anaviy dars uslublaridan voz kechilmasligi kabi muammolar aniqlanadi. Maqolada ushbu muammolarga qarshi ta’lim muassasalarida zamonaviy pedagogik texnologiyalarni joriy etish, o‘qituvchilar malakasini oshirish kurslarini tashkil etish, shuningdek, darslarda virtual laboratoriyalar, interaktiv simulyatorlar va amaliy mashg‘ulotlarni keng qo‘llash kabi yechimlar taklif etiladi. Kalit so‘zlar: interfaol ta’lim, tabiiy fanlar, tibbiyot oliygohlari, ta’lim sifati, dars samaradorligi, pedagogik texnologiyalar, o‘quv jarayoni, innovatsion metodlar.