PLASTIK CHIQINDILARNI QAYTA ISHLAB AMINLAR OLISH TEXNOLOGIYASI

Аннотация

So‘nggi yillarda atrof-muhit muhofazasi va qayta tiklanadigan resurslar asosida yangi kimyoviy moddalarning olinishi global miqyosda ilmiy izlanishlarning ustuvor yo‘nalishiga aylangan. Xususan, plastik chiqindilarni qayta ishlash orqali iqtisodiy va ekologik jihatdan foydali, ahamiyatli birikmalar olish, muqobil xomashyo manbalarini yaratish imkonini bermoqda. Ushbu tadqiqotda plastik chiqindilar tarkibidagi polimerlar asosida aminlar — xususan, p-fenilendiamin kabi amaliy ahamiyatga ega moddalarni olish texnologiyasi ishlab chiqildi. Aminlar ko‘plab sohalarda, jumladan, bo‘yoqlar, farmatsevtika, polimerlar, dorivor vositalar ishlab chiqarish va korroziyaga qarshi materiallar tayyorlashda keng qo‘llaniladi. Tadqiqotda chiqindilarni dastlabki mexanik va kimyoviy tayyorlash, piroliz va aminlash jarayonlari bosqichma-bosqich o‘rganilib, grafik oksid va boshqa katalizatorlar ta’sirida hosil bo‘ladigan mahsulotlarning sifati va hosildorligi tahlil qilindi. Olingan natijalar ekologik jihatdan xavfsiz, iqtisodiy samarali va qayta tiklanuvchi texnologiyalarni ishlab chiqish imkonini bermoqda. Kalit so‘zlar: Plastik chiqindilar, aminlar, p-fenilendiamin, qayta ishlash, piroliz, grafen oksidi, katalizator, texnologiya, ekologiya, polimer.