O’ZBEKISTONNING YEVROPA ITTIFOQI BILAN SAVDO IQTISODIY VA MADANIY ALOQALARI VA UNING KELAJAKDAGI ISTIQBOLLARI

Аннотация

O‘zbekiston Respublikasi o‘z milliy manfaatlariga asoslanib, ochiq va o‘zaro foydali tashqi siyosat yuritadi. Respublikaning zamonaviy tashqi siyosiy strategiyasi global va mintaqaviy vaziyatning tezkor o‘zgarishi hamda ichki o‘zgarishlardan kelib chiqib shakllanadi. O‘zbekiston Yevropa Ittifoqi va Yevropa mamlakatlari bilan keng ko‘lamli hamkorlikka katta ahamiyat beradi. Yevropa davlatlari bilan hamkorlikning asosiy yo‘nalishlari savdo, investitsiyalar va moliya, zamonaviy texnologiyalarni transfer qilish, ilm-fan, ta’lim, ekologiya, sog‘liqni saqlash, madaniyat va mintaqaviy xavfsizlik kabi sohalarni o‘z ichiga oladi. O‘zbekiston, shu bilan birga, Yevropaning yetakchi davlatlari, jumladan Germaniya, Fransiya, Buyuk Britaniya, Belgiya, Italiya, Ispaniya, Latviya va boshqa mamlakatlar bilan ikki tomonlama hamkorlikni rivojlantirishga alohida e’tibor qaratadi.