MUDDATI YETMAY TUGʻILGAN CHAQALOQLARDA BOSH MIYA QORINCHALARIGA QON QUYILISHI: XALQARO TADQIQOTLAR TAHLILI ASOSIDA

Аннотация

Mazkur maqolada muddati yetmay tugʻilgan chaqaloqlarda bosh miya qorinchalariga qon quyilishi (Intraventrikulyar qon quyilishi — IVQQ) holatlarining xalqaro miqyosda oʻtkazilgan ilmiy tadqiqotlar asosidagi statistik tahlili keltirilgan. Maqola davomida 2010–2024 yillarda nashr etilgan 30 dan ortiq asosiy maqola va klinik tadqiqotlar koʻrib chiqilib, IVQQ uchrash chastotasi, asosiy xavf omillari, klinikoqibatlari va diagnostik yondashuvlar tahlil qilindi. Tadqiqotlar shuni koʻrsatmoqdaki, gestatsion yoshi 32 haftagacha bo‘lgan chaqaloqlarda IVQQ rivojlanish xavfi yuqori bo‘lib, bu asorat neonatal davrda jiddiy nevrologik oqibatlarga olib kelishi mumkin [1, 5]. Maqolada IVQQ profilaktikasi va erta aniqlanish bo‘yicha amaliy tavsiyalar ham ilgari surilgan. Ushbu tahliliy ish dissertatsion tadqiqotlarda foydalanish uchun ilmiy-metodik asos yaratadi. Kalit so‘zlar: muddati yetmay tug‘ilish, intraventrikulyar qon quyilishi, neonatal asoratlar, bosh miya, perinatal xavfomillari.