HARAKATLI O’YIN ORQALI GANDBOLNI O’RGATISH

Аннотация

Dunyo miqyosida gandbol xilma-xil murakkab texnik usullarning bajarilish sifati ortishi bilan tobora ommalashib bormoqda. Ayniqsa gandbolchilarning yuqori natijalarga erishishiga qaratilgan vosita va usullarni ishlab chiqish dolzarb ahamiyat kasb etmoqda. Gandbolchilar harakatlarining uyg„unligi va murakkab texnik usullarning ko’pligi ushbu sport turiga qiziquvchilar sonining ortib borishiga sabab bo’lmoqda. Ayniqsa, jamoalar o’rtasida raqobatning ortib borishi tufayli mashg’ulotlar jarayonini tashkil qilishda o„yin natijasiga ta’sir ko’rsatuvchi omillarni aniqlash, to’pni uzatish va qabul qilish, aldamchi harakatlar va darvozaga zarba berish aniqligini boshlang’ich tayyorgarlik bosqichidanoq takomillashtirish yo’llarini inobatga olgan holda mashg’ulotlar jarayonini maqsadli rejalashtirish dolzarb masalalardan biri bo’lib qolmoqda.