BOSHLANG‘ICH SINFLARDA INTEGRATSIYALASHGAN DARSLARNI TASHKIL ETISH

Аннотация

Annotatsiya Ushbu maqolada boshlang‘ich sinflarda integratsiyalashgan ta’limni tashkil etish masalasi ko‘rib chiqiladi. Integratsiyalashgan ta’lim – o‘quvchilarning turli fanlar bo‘yicha bilimlarini yaxlit holda shakllantirish, mavzular o‘rtasidagi bog‘liqlikni anglash hamda amaliy qo‘llash ko‘nikmalarini rivojlantirishga xizmat qiluvchi zamonaviy pedagogik yondashuvdir. Maqolada integratsiyalashgan ta’limning nazariy asoslari, pedagogik afzalliklari hamda boshlang‘ich sinflarda bu usulni samarali joriy etishning usullari tahlil qilinadi. Shuningdek, dars jarayonida interfaol metodlardan, xususan, o‘quvchilarning bilim va ko‘nikmalarini mustahkamlashga xizmat qiluvchi so‘z va matematika o‘yinlaridan foydalanishning ahamiyati yoritiladi. Tadqiqot natijalari shuni ko‘rsatadiki, o‘yinli o‘qitish metodlari bolalarning qiziqishini oshirib, ularning o‘zlashtirish darajasini sezilarli darajada yaxshilaydi. Boshlang‘ich sinflarda integratsiyalashgan darslarni tashkil etish o‘qituvchilardan zamonaviy metodlarga tayangan holda dars rejalashtirish va turli fanlar o‘rtasidagi aloqadorlikni samarali tashkil etish ko‘nikmalarini talab qiladi. Shu sababli, ushbu maqolada boshlang‘ich ta’limda integratsion yondashuvning nazariy va amaliy jihatlari tahlil qilinib, ularni takomillashtirish bo‘yicha tavsiyalar beriladi.