FIGHT AGAINST CORRUPTION-ONE OF THE MAIN ISSUES OF THE PHILOSOPHY OF INDEPENDENCE

Аннотация

O‘zbekistonda korrupsiyaga qarshi kurashni strategik va taktik jihatdan tashkil qilishning nazariy-metodologik asoslarini mustaqillik falsafasi tashkil qiladi. O‘zbekistonda korrupsiyaga qarshi kurashish strategiyasi va taktikasi o‘rtasidagi farq faoliyat ko‘lami va faoliyat ko‘rsatadigan vaqt oralig‘ida namoyon bo‘ladi. Bunda noto‘g‘ri tanlangan taktika - bu yo‘qolgan kun, notug‘ri tanlangan strategiya esa - bu yo‘qolgan yil demakdir. Mamlkatimizda korrupsiyaga qarshi kurashish strategiyasi korrupsiyaga qarshi harakat usuli sifatida, asosiy maqsadga bevosita erishish uchun mavjud resurslar yetarli bo‘lmagan sharoitda zarur bo‘lib qolishi bilan xarakterlanadi. Bunda korrupsiyaga qarshi kurashish strategiyasining maqsadi - asosiy maqsad-korrupsiyani o‘q tomiri bilan yo‘q qilishga erishish uchun mavjud resurslardan samarali foydalanish hisoblanadi. Taktikalar esa strategiyani amalga oshirish vositasi bo‘lib, u strategiyaning asosiy maqsadiga bo‘ysunadi. Strategiya asosiy maqsadga oraliq taktik vazifalarni hal qilish orqali erishadi. Bunday illatni yo‘qotishning eng optimal usullaridan birini aholining barcha qatlamlarini ilmiy dialektika qonunlariga tayanib fikr yuritadigan mustaqillik falsafasi bilan qurollantirish davr talabi hisoblanadi.