EASTERN NATIONAL HARMONY IN THE SPIRITUAL HERITAGE OF MUNAVVAR KORI

Аннотация

Ushbu maqolada Turkiston o’lkasida jadidchilik harakatida faoliyat ko’rsatgan buyuk va atoqli ma’rifatparvar Munavvarqori Abdurashidxonov ma’naviy merosi xususida so’z boradi. Turkistondagi jadidchilik harakati va uning yetkachilaridan bo’lgan Munavvar Qori Abdurashidxonovning ma’rifiy-pedagogik qarashlarida jadidchilik harakatini keltirib chiqargan tarixiy-ma’rifiy shart-sharoitlar, yangi usul maktablarida ta’lim-tarbiyaning takomillashuvidagi pedagogik g’oyalar, Munavvar Qori yaratgan darsliklarda barkamol inson ma’naviy tarbiyasi muammosining pedagogik yechimlari va hozirgi zamon pedagogikasi ilmiy taraqqiyotida tutgan o’rni o’z aksini topgan. Munavvar Qori ilg’or fikrli, millatning kelajagini oldindan ko’ra bilgan taraqqiyparvar shaxsdir. U o’z faoliyatini Turkiston o’lkasida ayni paytda eng zarur bo’lgan yangi usuldagi maktab tashkil qilish va shu kabi maktablar uchun o’quv darsligi yozishdan boshlagan. Shu o’rinda bugungi kunda XIX-asr oxiri XX-asr boshlarida Turkiston o’lkasida jadidchilik harakatida faoliyat ko’rsatgan ma’rifatparvarlar ijodi, hayoti, ma’naviy merosini o’rganish dolzarb masala etib belgilandi.